方包+工作日
今天整天待在家, 由早上做freelance至零晨12時多, 十多小時, 累死人了! 不過終於完成了full set的layouts, 希望順利啦~~~ 視力越來越差, 好驚呀! 還未有書桌燈, 只是用著Danny早陣子給我的狗狗燈「頂檔」。各位有護眼的桌面燈介紹嗎?很久沒吃過方包以外的麵包了, 很懷念TIT*F、La Rose、Gourmet、DONQ的麵包!!! 家裏那袋方包過了期, 我放了在冰箱保鮮, 怎知阿哥昨天又買了一袋新的, 哎呀, 食死人啦..... 雞胸肉又過了期, 菜又開始變黃, 於是今日lunch炒了碟雜菜加雞胸, 早午tea也是方包......咸食甜食都出齊!
因為太專心, 到了晚上9時才突然記得未吃晚餐, 於是非常快速地弄了個開胃又好味的香蕉乳酪+雀粟+餅。乳酪和豆腐醬是前幾天homemade的呢! 一大碗可吃一星期, 抵吃抵吃~~~~
阿哥一天才吃一塊...... 還有十多片方包! ......
posted by Hoiman @ 1:06 AM
7 Comments:
做得很像大型連鎖食肆的廣告呢！只是不知價錢如何…哈哈哈．唔知貴唔貴呢？如果有外賣送貨服務就更好．或者寄D俾我啦，既然你有十多塊…病人係好需要照顧架．我已連續第五天靠藥物為生。屈指一算，我已病了四個禮拜…
(你可隨意短訊。還有，保重身子，包括眼睛. 你也不想收到從遠處來的大東西，原來係棧燈?!)
... =)
你煮既野食同蛋糕真係好好食.食到吱喳妹都讚不絕口.相比起我既蛋糕就真係....
今日又將你既日記轉到吱喳妹的email lu...
任務完成.
Mr. Anonymous,
似廣告呀? 慘, 職業病, haha...
唔貴架, 食材成本好低, 係人工高! hohoho~~
嘩, 寄麥包, 諗起都驚, 你可能會收到一堆霉呢!
你真係要小心身體就真, 做乜身子咁弱, 病咁耐ga!! 我發覺身邊既男性朋友都好易病同病好耐, 女仔就唔多聽見會病wor...男仔要曉得照顧自己啦, 唔係點照顧人呢~~
吱喳妹的朋友仔,
吱喳妹都話你既blueberry cheesecake好味wor, 最緊要係夠「甜」嘛, 我點整都整唔到咁甜ga喇......仲要有專人運送服務! 我都係放o向屋企叫佢親自上來食, haha~~
你呢個「日記email轉寄服務」真係一流!
佩服! 話時話, 吱喳妹o向一個「重要日子」番來wor, 解你相思之苦啦! hohoho, 真係好~~~
想請教下...豆腐醬係點整架??
好想試下 :D~~~
為食貓:
好易ga, 將以下材料放入攪拌機即成:
嫩豆腐1盒
鮮檸檬汁2湯匙
蜂蜜1湯匙
大蒜粉1/4茶匙
洋蔥粉1茶匙
雜香草1湯匙
鹽2/3茶匙
放入冰箱可保存一星期。
多謝指教!
等我試下先!
你好勁呀~~~
:D~~
下, 邊度勁! 都係照食譜整ja ma :)
係可能加加減減咁lor~~
^_6
Post a Comment
<< Home