Be relaxed~
太多野想記，但太少時間......近來煩得可怕，我煩你煩個個都煩，搞到越來越煩，但不想再想了，倒不如記一些雞毛蒜皮的事，心情會輕鬆點！本地快餐
一向喜愛西餐的我，有時候也想吃吃中式的食品，加上這陣子因為想快想慳，便常光顧food court和Local快餐店 ──特別是「大檸樂」、「企起身」和「大塊木」。今天十分倒霉，繼中午在food court發現粥裏有迷你小強後，晚上又嘗了一客「永遠不會來的」快餐。話說今天happy friday, 小妹突然想吃迷你冬瓜盅，於是到「企起身」左選右選，發現其冬瓜盅太過迷你，比起上一次在「大檸樂」吃的細1/3；加上懷念起「大檸樂」的「荷葉乜乜扒豆腐」來，便下樓到轉角位的「大檸樂」去。點菜後，我便急不及待到領餐處等候，怎知等來等去也未叫我的號碼。「莫非我點的『雪菜豆腐炆魚骨腩』太冷門要師傅立即煮？」我嘀咕著。越等越不對路，我連催兩次也沒有結果，工作人員只是不停說「幫你check下」的便算...... 18分鐘過去了，當手執347號票的我發現已叫到370時，本來一幅無助表情的我，一個箭步的走到收銀處要求退錢，氣沖沖地返回「企起身」吃回頭草......Oh no! 迷你冬瓜盅已售罊！激死我！前後花了半小時也只點了個我不愛吃的肉餅蒸飯，吃完還要胃痛（注：我吃油膩食物輕則會胃痛，重則會肚瀉）......很慘呀！每次Happy Friday的一人dinner一點也不happy!
3間本地貨中，我最喜歡「大塊木」，其意粉真的Al Dente呢；加上有輕盈版，真的細心！不過說到底，我還是喜歡「來路快餐」多點！特別是Oliver's SUPER Sandwiches，三十多元成交、環境舒適、質素穩定、物有所值！
...... -_-
書展
書展開始的第一天，一下班後便飛往灣仔，去到己經8時多。雖然只有約90分鐘的時間，但由於不是很多人，故逛得很舒服。看到很多食譜，真的想全部擁有！最後精挑細選後只買了2本......oh,我只逛了數間出版社......我會再去的，還有很多書想買啊！
(很頭痛, 待續)
posted by Hoiman @ 12:39 AM
7 Comments:
要買書使咩去書展~~
書展主要係睇到d平時睇唔到既書...
同埋有折...:p
企起身即係邊度?
唔.. ..
企起身.. 我諗係美"身"..
Bingo!
其實得兩個字...比較夾硬來:p
補充:
最後都無去書展,試唔到同人逼既滋味:p
因為......最後一日, 我放工去到摸門釘, d飛賣晒! oh Black Monday!
我今晚終於試o左企起身的迷你冬瓜盅喇,佢唔只個瓜細(不過又幾好味bor!)碟"送"仲細得離奇呀!!!
haha 小茵,
係呀, 我見"企起身"既冬瓜盅真係唔多似冬瓜...雖然細, 不過1個人實夠食既~ "大檸樂"既冬瓜盅餐太大個喇, 夠兩個人食! 碗飯又勁大!
Post a Comment
<< Home