foul mood
太空虛的關係, 這幾天我又把5個月大的BB吃進肚裏了。弄到胃痛, 未到新年已吃滯了。
原本和友人相約慶祝的晚飯也告吹了, 很對不起。
不知這樣發洩, 何時會死呢?
很討厭這個自己......
===========================================================
討厭的農曆新年又來了。
討厭年廿八至年初x, 連續5天見同一批人
--> 平時又唔見, 何苦呢?
討厭那些不能缺席而要每晚花上3小時的飯局
--> 平均每道菜相隔20-30分鐘, 很多年也試過親友吃到發爛
討厭每次也令我肚瀉的油膩飯菜
--> 卻要連續4晚吃相同的酒樓餸菜
最重要是,
討厭一家人參差不齊的感覺;
討厭那帶著諷刺的喜鬧氣氛......
8歲開始,
去這圍時, 沒有媽媽
去那圍時, 沒有爸爸
17歲開始,
去這圍時, 沒有媽媽, 多了其他人
去那圍時, 沒有爸爸, 媽媽也沒有了
8年後的今天, 依然不能適懷, 是我太執著嗎?
但騙不了自己啊, 真的很討厭!
好, 不說飯局, 談談拜年吧!
以往自己一個舟車勞頓上人家拜年時, 在街上看見別人全家穿得靚靚一起拜年去, 很羨慕。幸好今年有阿哥陪我......
說真旳, 一個人拜年實在很無聊, 首先拍門前要先擠出為難的笑容, 想好四字賀詞; 門開, 便要把音調提高一度, 說句「呵呵, 新年快樂呀!!!祝你xxxxx」。入屋坐下最辛苦, 最怕去到又無野做悶到傻, 全屋細路嘰呱鬼叫, 電視只播著賀歲馬/足球; 期間不斷有人叫你食你不喜歡的賀年食物, 不吃又話「做乜唔食呀?減肥呀?」-_-" 悶但又走不得, 惟有吃朱古力過日晨!
現在想起也怕......
posted by Hoiman @ 7:47 PM
6 Comments:
對於農曆新年既感覺都係一般,每一年都係有十幾廿個親戚黎我屋企拜年.好彩大部分人都好熟,感覺都幾好.對於你既情況,只有祝福. =)
不難想像一個人要去一d唔相熟既人屋企拜年,感覺幾咁無奈.有d事件唔想面對,都要勇於面對.加油吧.
等吱喳妹返黎,你約佢出來一聚吧.等佢帶多d歡樂氣氛比你啦.
不過今年我就有一個地方好想去拜年. =)
我因某些原因, 導致胃痛...
妳都叫我節制同保重身體啦!
妳都要好好保重身體, 唔好死啊!!
要是妳死咗, 咁我點算好啊 =(
想起來, 已差不多七年沒有拜年了. 慢慢地好像與自己沒有太大關係. 可能因為沒有假期, 又可能因為沒有氣氛, 又可能因為根本就沒有親人 (沒有親人一起去拜年或被拜年). 不用說什麼團年飯. 幾時年廿八, 年廿九, 年三十. 幾時年初一, 二, 三都已經不清楚…
假若說了些不合宜的話, 請多多包涵忍讓, 並跟我分享妳的看法.
至於“一家人參差不齊的感覺”(或許妳過去已經有聽過相似的), 就讓那 “參差不齊的感覺”在上一代或在這一代終結. 倚靠主努力每一天, 建立一個以基督為主的家庭. 相信妳仍是喜歡小孩子的 (雖然佢地嘰呱鬼叫), 如果唔係, 上次妳都唔會突然問我一個問題, 然後我用我中學老師的例子作回應啦.
除非想那種 “不能適懷”的感覺一直存在, 否則, “刻己服我” 的思想突破是一個十分迫切的行動. 有次我們談及 “沒法修補的傷痕”.
沒錯, 傷痕又深又痛, 但在這傷痕之後, 一切不是在這裏終結. 假若這傷不及至於使妳回天家, 那好明顯妳的工作尚末完成. 推論之下, 便是帶著這個傷痕繼續努力地工作;
故此, 到底繼續讓這種不能適懷的感覺一直捆綁著妳, 還是給自己一個新的機會, 就取決於“刻己服我” 的思想突破. 假於如妳先前所說的人生年歲限期 (雖然我並不認為), 妳也不想未來的十數年, 就以這種心景下渡過吧?
天天也在為妳代禱. 努力啊.
特別日子,特別的你.
生日快樂丫...
祝你生活更加開心,快樂.... =)
小電筒,
你咁多代號, 我用邊個好啊!~~~
um...我唔係唔鐘意細路仔, 有時我會好鐘意同佢地玩, 只不過我d細路仔都唔細路, 加上新年佢地特別唔"trum"大人玩, haha...所以好悶~~
其實拜年都係開心事既...只係我自己心結o者, 而且年年新年屋企都會有d事發生, 今年又有, 未到赤口就鬧晒交lu ....遲d再交代番~~
"刻己服我"...wow, 對於呢個麻煩既我係一門好深既功課....
朋友仔,
食完宵夜喇? haha~~~做乜唔o向電話o向正日順便同我講埋呀! :p
你指既地方, 不外乎都係吱喳家嘛? :)
Post a Comment
<< Home